“Rəqibi təbrik edirəm, yaxşı oyun keçirdilır. Müdafiə olunmağa məcbur idik. Bilirdik ki, bizi çətin qarşılaşma gözləyir".

Futbolmedia.az xəbər verir ki, bu sözləri UEFA Çempionlar Liqasının 2-ci təsnifat mərhələsinin "Sabah"la Bakıda keçirilən ilk görüşündən sonra təşkil edilən mətbuat konfransında "KuPS"un baş məşqçisi Miika Nuutinen deyib.

O, 0:1 hesablı məğlubiyyəti belə şərh edib: "Rəqib çox hücum etdi. Amma hələ də şanslarımız qalır. Bir həftə sonra ən yaxşı oyunumuzu göstərməyə çalışacağıq. Növbəti mərhələyə yüksəlmək uğrunda mübarizə aparacağıq. "Sabah" çoxlu qol epizodu yaratdı. Bəli, razıyam ki, bəxtimiz gətirdi. Amma bizim üçün əsas məsələ növbəti mərhələyə yüksəlmək şansını qorumağımızdır".

Miika Nuutinen komandasının vaxt uzatması ilə bağlı fikirlə razılaşmayıb: “Bununla razı deyiləm. Əlbəttə, 0:1 nəticəsi bizim üçün pis deyil, amma vaxt uzatmamışıq. İlk oyunu analiz etməliyik. Heyətimizdə yaxşı nəticə uğrunda mübarizə apara biləcək keyfiyyətli futbolçular var".

Qeyd edək ki, komandalar arasında cavab matçı iyulun 28-də Finlandiyada keçiriləcək.