"Hava şəraiti oyuna mane olmamalıdır. Bu, futbol üçün normal haldır".

Futbolmedia.az xəbər verir ki, bu sözləri Qazaxıstanın "Kayrat" klubunun futbolçusu Rade Duqaliç Konfrans Liqasının qrup mərhələsinin 4-cü turunda sabah "Qarabağ"a qarşı keçirəcəkləri oyun üçün təşkil edilən mətbuat konfransında deyib.

29 yaşlı müdafiəçi Almatının soyuğuna artıq öyrəşdiklərini bildirib: "Fikrimcə, qorxulu heç nə yoxdur. Hamı bizə azarkeşlik etməyə gəlsə, tribunlar və meydan isti olacaq".

Qeyd edək ki, sabah keçiriləcək "Kayrat" - "Qarabağ" matçı Bakı vaxtı ilə saat 19:30-da başlayacaq.