“Komo”nun hücumçusu Alvaro Morata vaxtilə “Barselona”ya transfer olunmağa çox yaxın olduğunu açıqlayıb.

Futbolmedia.az xarici KİV-ə istinadən xəbər verir ki, o, Kataloniya klubunun həmin dövrdə baş məşqçisi olan Xavi Hernandesin onunla əlaqə saxladığını söyləyib:

“Bəli, “Barselona”ya keçməyə yaxın idim. Xavi mənə zəng edib dedi ki, həmin anda komandaya kömək edə bilərəm və onun qurmaq istədiyi oyun sisteminə uyğun futbolçuyam”.

33 yaşlı ispaniyalı hücumçu 2025/26 mövsümündə “Komo”nun heyətində bütün turnirlərdə 30 oyuna çıxıb, 1 qol vurub və 2 məhsuldar ötürmə ilə yadda qalıb.