“Yuventus” “Liverpul”un qapıçısı Alisson Bekkeri transfer etmək üçün danışıqlara başlayıb.

Futbolmedia.az “Tuttosport”-a istinadən xəbər verir ki, Turin təmsilçisi braziliyalı qolkiper üçün qarşı tərəfə 5 milyon avroluq ilk təklifini göndərib. “Liverpul” isə 33 yaşlı futbolçunu təxminən 20 milyon avro dəyərində qiymətləndirir. Buna baxmayaraq, “Yuventus” rəhbərliyi danışıqlar zamanı məbləği aşağı salacağına inanır.

Alissonun özü də yenidən A Seriyasında çıxış etməkdə maraqlıdır. Turin klubu “Roma”nın sabiq qapıçısına illik 4,5 milyon avro maaşla müddəti 3 il olan müqavilə təklif etməyə hazırlaşır. “Yuventus” onu yeni layihənin ilk böyük transferi kimi görür.

Digər tərəfdən, “Liverpul”un baş məşqçisi Arne Slot Alissonun ayrılmasının komandanın paltardəyişmə otağındakı atmosferə mənfi təsir edə biləcəyindən narahatdır.