“Barselona” rəhbərliyi yay transfer dönəmində hücum xəttini gücləndirmək üçün böyük büdcə ayırmağa hazırlaşır.

Futbolmedia.az “Mundo Deportivo”-ya istinadən xəbər verir ki, Kataloniya təmsilçisi yeni forvard transferinə təxminən 100 milyon avro xərcləməyi planlaşdırır. Klubun əsas məqsədi komandadan ayrılmağa yaxın olan Robert Levandovskinin yerini yüksək səviyyəli hücumçu ilə doldurmaqdır.

“Barselona”nın transfer siyahısında hazırda üç əsas namizəd yer alır: Xulian Alvares, Joao Pedro və Harri Keyn. Bu futbolçular hazırda müvafiq olaraq “Atletiko”, “Çelsi” və “Bayern” forması geyinirlər.

Kataloniya təmsilçisinin sonuncu dəfə 100 milyon avrodan artıq vəsait xərclədiyi transfer 2019-cu ildə reallaşmışdı. Klub həmin vaxt “Atletiko”dan Antuan Qrizmannı 120 milyon avroya transfer etmişdi.