"Arsenal" 2026/2027 mövsümü üçün yeni ev formasını təqdim edib.

Futbolmedia.az xəbər verir ki, London klubunun rəsmi saytında yayılan məlumata görə, yeni forma komandanın ənənəvi üslubunu qoruyub saxlayıb. Formanın əsas hissəsi klassik qırmızı rəngdə hazırlanıb, qolları isə ağ rəngdə dizayn olunub.

Klubun açıqlamasında bildirilib ki, formanın dizaynında “Emireyts” stadionuna aid vizual elementlərdən də istifadə olunub. Xüsusilə yaxalıq hissəsi stadionun dam konstruksiyasından ilhamlanaraq hazırlanıb. Bundan əlavə, formanın üzərində dərinlik və tekstura effekti yaradan incə qırmızı naxışlar yer alıb.