“Bakı–Xankəndi” Azərbaycan velosiped yarışına bu gün yekun vurulacaq.

Futbolmedia.az-ın turnirə ezam olunmuş əməkdaşının məlumatına görə, Tərtərdə start götürən 5-ci mərhələ Xankəndidə başa çatacaq.

Velosipedçilər Ağdam, Füzuli və Şuşadan da keçməklə 181,3 kilometr məsafəni qət edəcəklər.

İlk mərhələdə finişə Çinin “Li-Ninq Star” komandasının belaruslu üzvü Aleksey Şnirko birinci çatıb. Növbəti gün “Astana”nın qazaxıstanlı velosipedçisi Yevgeni Fyodorov qalib olub. Üçüncü mərhələdə “Astana”nın rusiyalı üzvü Qleb Suritsa, dördüncü mərhələdə isə İtaliyanın “Bardiani CSF 7 Saber” komandasından Marko Manenti bütün rəqiblərini qabaqlayıb.