“Milan”ın sabiq hücumçusu Marko van Basten İtaliya futbolunun vəziyyəti ilə bağlı fikirlərini bölüşüb.

Futbolmedia.az “SportMediaset”-ə istinadən xəbər verir ki, niderlandlı keçmiş futbolçu, A Seriyası klublarının əcnəbi sahiblərə keçməsinin İtaliya futboluna mənfi təsir göstərdiyini bildirib:

“Hazırda A Seriyasında klubların tarixi ilə heç bir əlaqəsi və marağı olmayan bir çox xarici sahib var. Bu, rüsvayçılıqdır. İtaliya futbolunu Avropanın zirvəsinə qaytarmaq üçün onu italyanlara geri vermək vacibdir. “Milan” buna nümunədir. Onlar əvvəlki kimi deyillər. Mən onları tez-tez izləyirəm və ümid edirəm ki, tezliklə ən yaxşı vəziyyətlərinə qayıdacaqlar, çünki “İnter” dominantlıq edir və bunu heç bəyənmirəm”.