"Barselona"nın müdafiəçiləri Jül Kunde və Aleks Balde zədələniblər.

Futbolmedia.az xəbər verir ki, hər iki oyunçu İspaniya kubokunun yarımfinal mərhələsinin "Atletiko" ilə cavab matçında sıradan çıxıb.

AS-ın yaydığı məlumata görə, onlar bud əzələlərindən zədə alıblar. Kundenin zədəsi (kiçik bir yırtıq) ciddi deyil. Onun Çempionlar Liqasının 1/8 final mərhələsində "Nyukasl"a qarşı oyunda oynayacağı gözlənilir .

Baldenin durumu isə daha ciddidir. O, bir neçə həftə yaşıl meydanlardan kənarda qalacaq.

Qeyd edək ki, "Atletiko" ilə cavab oyununda "Barselona" 3:0 hesabı ilə qalib gəlsə də, Madrid təmsilçisi ilk matçda 4:0 hesabı ilə üstün olduğu üçün mərhələ adlayıb.