“Barselona”nın sabiq prezidenti və yenidən bu vəzifəyə namizəd Xuan Laporta rəhbər kimi fəaliyyəti barədə danışıb və Kataloniya klubunun keçmiş rəhbərliyini tənqid edib.

Futbolmedia.az “sport.es”-ə istinadən xəbər verir ki, Kataloniya klubunun sabiq rəhbəri “Barselona”nı maliyyə iflasından xilas etdiklərini bildirib:

“Biz “Barselona”nı maliyyə iflasından, onu ələ keçirmək və bizi idarə edən Madrid düşüncəsinə tabe etmək istəyənlərdən xilas etdik. Bəs Xose Mariya Bartomeu (“Barselona”nın keçmiş prezidenti) necə olacaq? O, həmin Madrid düşüncəsi üçün faydalı bir vasitə idi: həddindən artıq yüksək əməkhaqqı bizi müdaxilə etməyə məcbur etdi. Amma düşünmürəm ki, o, Madridə hansısa bir yaxşılıq etmək niyyətində idi”.

Kataloniya klubunun yeni prezident seçkiləri martın 15-də keçiriləcək və qalib rəsmi olaraq iyulun 1-dən vəzifəsinin icrasına başlayacaq.