Braziliyanın futbol millisinin sabiq oyunçusu, “Parma” və “İnter”də çıxışları ilə tanınmış hücumçu Adrianonun anası Roşild dələduzların qurbanı olub.

Futbolmedia.az xəbər verir ki, bu barədə Adriano sosial şəbəkı həsabında paylaşım edib.

Dələduzlar Adrianonun səsini süni intellekt vasitəsilə saxtalaşdıraraq qadını aldadıb və şəxsi maliyyə məlumatlarını ələ keçiriblər.

Nəticədə Roşild 15 min Braziliya realı (təxminən 2400 avro) zərərə düşüb.

Adriano bu hadisədən çox əsəbiləşib və dələduzlardan pulları qaytarmağı tələb edib. Sabiq hücumçunun sözlərinə görə, əgər bu baş verməsə, o, “onlara Yerdə cəhənnəmi göstərəcək”.

Xatırladaq ki, Adriano futbolçu karyerasını 2016-cı ildə başa vurub.