Səudiyyə Ərəbistanı klubları PSJ-nin futbolçusu Usman Dembelenin transferini nəzərdən keçirirlər.

Futbolmedia.az xəbər verir ki, bu haqda "Sky Sports" məlumat yayıb.

Səudiyyə Ərəbistanının yüksək vəzifəli rəsmiləri 28 yaşlı hücumçunun transferi ehtimalı ilə bağlı ilkin araşdırmalar aparıblar. Onlar DÇ-2026-dan sonra fransalı futbolçunu liqaya cəlb etmək üçün böyük təklif hazırlayırlar.

Dembelenin ətrafı isə iddia edir ki, o, hazırda bütün diqqətini PSJ-yə və DÇ-2026-ya yönəldib.

Qeyd edək ki, Dembele bu mövsüm Liqa 1-də 11 oyuna çıxıb, 5 qol vurub və 3 məhsuldar ötürmə verib. O, "Qızıl top"un son qalibidir.