“Zenit” 25 yaşlı yarımmüdafiəçi Orkun Kökçü ilə maraqlanır.

Komanda.az xəbər verir ki, bu barədə “Fanatik” məlumat yayıb.

Sankt-peterburqlular türk futbolçuya diqqətini Kersonun satışından sonra yönəldib. Klub Kökçü üçün “Beşiktaş”a 30 milyon avrodan artıq təklif etməyə hazırdır.

Orkun Kökçü 2025-ci ilin yayından etibarən “Beşiktaş”da çıxış edir. O, bu müddətdə bütün turnirlərdə 21 oyunda iştirak edib və 3 məhsuldar ötürmə verib. Türkiyə millisinin üzvünün klubla müqaviləsinin müddəti 2030-cu ilin yayına qədərdir.