“İnter”in yarımmüdafiəçisi Davide Frattezi “Yuventus”a qoşulmağa hazırdır. Daha əvvəl bildirilmişdi ki, “Fənərbaxça” 26 yaşlı futbolçunu məcburi satınalma şərti ilə icarəyə götürmək istəyir və bu transferə təxminən 40 milyon avro xərcləməyə hazırdır.

Futbolmedia.az xəbər verir ki, yarımmüdafiəçiyə “Yuventus”, “Roma” və “Napoli” də maraq göstərir, lakin “neradzurri” futbolçunu birbaşa rəqiblərinə buraxmaq istəmir.

İtaliyalı futbolçu Türkiyə klubuna keçidi rədd edib. O, Luçano Spalletti ilə işləmək istədiyi üçün “Yuventus”a keçməyə üstünlük verir. Xüsusilə ona görə ki, məşqçi İtaliya millisində çalışarkən Fratteziyə əsas heyətdə yer verirdi, halbuki Davide “İnter”də ehtiyat oyunçu idi.