Misir futbolunda tarixi hadisə yaşanmaq üzrədir. Belə ki, "Əl-Əhli" klubunun futbolçusu Həmzə Əbdülkərim "Barselona" forması geyinən ilk misirli futbolçu kimi tarixə düşə bilər.

Futbolmedia.az xəbər verir ki, bu barədə tanınmış jurnalist Qabriel Sans məlumat yayıb. Onun sözlərinə görə, Kataloniya klubu gənc futbolçunun transferi ilə bağlı Misirin "Əl-Əhli" klubu ilə danışıqlarda ciddi irəliləyiş əldə edib və tərəflər yekun razılaşmaya yaxındır.

Razılaşmaya əsasən, hücumçu mövsümün sonuna, yəni iyun ayına qədər icarə əsasında "Barselona"da çıxış edəcək. İspaniya nəhəngi yayda 1,5 milyon avro ödəməklə futbolçunun transfer hüquqlarına sahib olacaq.

Qeyd edək ki, Həmzə Əbdülkərim bu mövsüm klubunun heyətində cəmi 5 oyuna çıxıb və qol vura bilməyib.