İspaniyanın “Levante” klubu baş məşqçisi Xulian Kalero ilə yollarını ayırıb.

Futbolmedia.az xəbər verir ki, klubun rəsmi məlumatına görə, idarə heyətinin qərarı ilə 55 yaşlı mütəxəssis istefaya göndərilib. Bu ayrılıq La Liqada “Atletik”ə qarşı keçirilən və 0:2 hesablı məğlubiyyətlə bitən ev oyunundan sonraya təsadüf edib. Klub Kalero ilə əməkdaşlığa görə təşəkkürünü bildirib.

2023-cü ilin yayından komandanı çalışdıran ispaniyalı məşqçi “Levante”ni 58 oyuna çıxarıb. Bu matçlarda 25 qələbə, 16 heç-heçə və 17 məğlubiyyət qeydə alınıb.

Qeyd edək ki, "Levante" hazırda İspaniya La Liqasında 14 turdan sonra 9 xalla turnir cədvəlinin 19-cu pilləsində qərarlaşıb.