"Arsenal" noyabrın 23-ü Premyer Liqanın 12-ci turunda "Tottenhem"i qəbul edəcək.

Futbolmedia.az xəbər verir ki, "Arsenal"ın baş məşqçisi Mikel Arteta Şimali London derbisini xüsusi edən məqamlardan danışıb:

"Bu, fərqli bir oyundur. Şəhər böyükdür və biz Londonda fəth etmək istədiyimiz hissə uğrunda mübarizə aparırıq. Onlar da eyni şeyi istəyirlər. Bu illər ərzində dominant komanda bir neçə dəfə dəyişib.

Bu, sadəcə möhtəşəmdir, xüsusilə də evdə, azarkeşlərimizin qarşısında oynayanda. Onların meydana hansı enerjini gətirəcəyini, komandanın hər hərəkətə necə enerji qoyacağını bilirik. Belə bir oyunda iştirak etmək bizim üçün böyük şərəfdir, buna görə də bazar gününü səbirsizliklə gözləyirik".