Braziliya millisinin keçmiş oyunçusu Xose Ferreyra Neto, ölkə çempionatının 33-cü turunda “Flamenqo”ya 2:3 hesabı ilə məğlub olduqdan sonra “Santos”un hücumçusu Neymarın bu mövsümkü performansını tənqid edib.

Futbolmedia.az “RMC Sport”-a istinadən xəbər verir ki, o, azarkeşlərə səslənərək, “Santos”un Neymarsız necə dəyişəcəyini görəcəklərini bildirib:

“Siz, “Santos” azarkeşləri, düşünürsüz ki, bu oyunçu klubu xilas edəcək. Əslində, siz onu və klub prezidentini səbəb göstərərək çempionatda qalmaqdan məhrum olacaqsız. Bu, Neymarın günahıdır! Görəcəksiz “Santos” onsuz necə dəyişəcək”.

33 yaşlı hücumçu iki aydan sonra ilk dəfə meydana çıxıb, 36-cı dəqiqədə hakimlə mübahisə etdiyinə görə sarı vərəqə alıb. O, 85-ci dəqiqədə əvəzlənməsi zamanı baş məşqçi ilə mübahisə edib və birbaşa paltardəyişmə otağına gedib.

Neymar 2025-ci ilin yanvarında “Santos”a qayıdıb. Futbolçu əvvəllər “Barselona”, PSJ və “Əl-Hilal”da çıxış edib. O, cari mövsümdə Braziliya çempionatında 15 oyunda iştirak edib və 3 qol vurub. Onun komandası çempionatın bitiminə 5 tur qalmış 33 xalla turnir cədvəlinin 17-ci pilləsində qərarlaşıb.