"Kayrat"ın baş məşqçisi Kurban Berdıyevdən komandanın oyunçuları narazıdırlar.

Futbolmedia.az xəbər verir ki, bu barədə Rusiyanın championat.com saytı məlumat yayıb. Bildirilib ki, vəziyyətlə tanış olan şəxs bununla bağlı sayta açıqlama verib.

"Berdıyevdən daha çox şey gözləyirdilər. O, müdafiəçi futbolçu oynayır, belə oyun yoxdur. Komandadakı futbolçular autsayderlərə qarşı belə bu cür oynanılmasından narazıdırlar" - deyə bildirilib.

Qeyd edək ki, K.Berdıyev yaydan Qazaxıstan təmsilçisini çalışdırır. Komanda hazırda ölkə çempionatında 44 xalla 3-cü pillədə qərarlaşıb.

Xatırladaq ki, "Qarabağ" Konfrans Liqasının qrup mərhələsində oktyabrın 21-i "Kayrat"ı qəbul edəcək.