“Yuventus”un gənc hücumçusu Kənan Yıldız Avropanın bir sıra nəhəng klublarının diqqət mərkəzinə düşüb.

Futbolmedia.az xarici KİV-ə istinadən xəbər verir ki, 20 yaşlı oyunçunun xidmətində “Real”, “Mançester Siti”, “Mançester Yunayted”, “Arsenal” və “Çelsi” kimi komandalar maraqlıdır.

Bildirilir ki, Turin klubunun rəhbərliyi Yıldızı komandada saxlamaq niyyətindədir və bu məqsədlə futbolçuya yeni müqavilə təklif etməyi planlaşdırır.

Bundan başqa, xəbərdə qeyd olunub ki, oyunçunun maaşının da artırılması gündəmdədir.

Qeyd edək ki, türkiyəli futbolçu cari mövsümdə “Yuventus” formasında 10 matçda meydana çıxaraq 2 qol vurub və 4 məhsuldar ötürmə verib.