“Atletik”in müdafiəçisi Yuri Berçiçe Çempionlar Liqasının 3-cü turunun “Qarabağ”la(3:1) oyunu ilə bağlı danışıb.

Futbolmedia.az “Marca”ya istinadən xəbər verir ki, təcrübəli futbolçu Ağdam klubuna qalib gəldikləri görüş haqda fikirlərini bildirib:

“Qarabağ”la oyun bizim üçün vacib idi. Təbii ki, bu görüşdə bizi yalnız qələbə razı salırdı. Şadam ki, ilk üç xalımızı qazanmağı bacardıq. Bundan əvvəlki matçlarda uduzmuşduq. Bizim üçün üç xal vacib idi. “Qarabağ”ın yaxşı komanda olduğunu gördük. Çətin alındı, amma mübarizəmizi davam etdirdik və sonda sevinən tərəf olduq”.