“Netflix” platforması UEFA Çempionlar Liqası oyunlarının yayım hüquqları ilə bağlı keçiriləcək tenderdə iştirak etməyi planlaşdırır.

Futbolmedia.az xəbər verir ki, bu barədə “The Times” nəşri məlumat yayıb.

Mənbənin bildirdiyinə görə, şirkət hər turun bir oyununun yayım hüququnu almaqda maraqlıdır.

UEFA isə növbəti müqavilə dövründən illik təxminən 4,3 milyard avro gəlir götürməyi hədəfləyir.

Qeyd edək ki, 2027–2033-cü illər üçün yayım hüquqlarının tenderi 2025-ci ilin oktyabrın 13-də keçiriləcək.