“Mançester Siti”nin hücumçusu Erlinq Haland etiraf edib ki, komandaya qoşulmazdan əvvəl də “şəhərlilər”in oyunlarını yaxından izləyirmiş.

Norveçli forvard 2022-ci ilin yayında Dortmund “Borussiya”sından İngiltərə klubuna transfer olunub.

Futbolmedia.az “City Report”-a istinadən xəbər verir ki, 25 yaşlı futbolçu uşaqlıqdan “Mançester Siti”ni izlədiyini bildirib:

“Uşaqlıqdan “Mançester Siti”ni izləyirəm, xüsusilə də, baş məşqçi Pep Qvardiolanın dövründə. O vaxt mən “Zalsburq” və “Borussiya”da oynayırdım. Bəzən “Mançester Siti”nin oyunlarına baxanda düşünürdüm ki, onlara cərimə meydanında hücumçu çatışmır. Fikirləşirdim ki, orada olmaq və komandanın yaratdığı imkanlardan istifadə etmək çox yaxşı olardı. Şadam ki, sonda klub məni transfer etdi”.