Azərbaycan Premyer Liqasında püşkatma mərasimi keçirildi

Bu gün Azərbaycan Premyer Liqasının 2025/2026-cı illər mövsümünün püşkatma mərasimi keçirildi. “Alov qüllələri” kompleksinin “Üzeyir Hacıbəyli zalı”nda təşkil olunan tədbirdə Peşəkar Futbol Liqasının prezidenti Elxan Səmədov, Azərbaycan Futbol Federasiyaları Assosiasiyasının baş katibinin müavini Kamran Vəliyev, PFL-in vitse-prezidenti Aslan Şahgəldiyev, texniki-idman direktoru Elgiz Abbasov, media və marketinq direktoru Sənan Abdullayev, elita klublarının nümayəndələri, jurnalistlər iştirak etdilər.

Püşkün atılmasında xüsusi qonaq olaraq bu il qəbul imtahanlarında bu günə qədərki nəticələrə əsasən ən yüksək göstəriciyə imza atmış, ümumilikdə 695.8 bal toplamış və Azərbaycan Tibb Universitetinin müalicə işi ixtisası üzrə təhsil alacaq, Nizami rayonu 129 saylı məktəbin məzunu Anar Babayev də iştirak edib. 15 avqustda başlayacaq yeni mövsümün startda üz-üzə gələcək komandaları aşağıdakı kimidir:




I tur
“İmişli” – “Turan Tovuz”
“Neftçi” – “Şamaxı”
“Sabah” – “Qarabağ”
“Sumqayıt” – “Kəpəz”
“Karvan-Yevlax” – “Qəbələ”
“Zirə” – “Araz-Naxçıvan”

Püşkatmada 3-cü dövrənin ilk turunda ev sahibi olacaq komandalar da müəyyənləşib. Püşkün nəticəsi:

"Zirə" - "Kəpəz"

"Qarabağ" - ""Araz-Naxçıvan"

"Karvan" - "Sumqayıt"

'Şamaxı" - "İmişli"

"Sabah" - "Qəbələ"

"Neftçi" - "Turan Tovuz"

Qeyd edək ki, yeni mövsümə avqustun 15-də start veriləcək.