"Kəpəz" daha bir futbolçunun keçidini həll edib.

Futbolmedia.az xəbər verir ki, bu barədə klubun mətbuat xidməti məlumat yayıb.

Burkina-Fasodan olan Adama Fofana Gəncə təmsilçisi ilə iki illik müqavilə imzalayıb. 25 yaşlı oyunçu sol cinah müdafiəçisi mövqeyində oynayır.

Adama Fofana son olaraq ötən mövsüm Türkiyədə “Adanaspor”un formasını geyinib. O, daha əvvəl isə "Varberq" (İsveç) və "Dijon" (Fransa) klublarında çıxış edib.

Qeyd edək ki, "Kəpəz" daha öncə Adil Şükürov (baş məşqçi), Şakir Seyidov, Pedro Qomesi transfer edib.