"Bavariya"nın futbolçusu Leroy Sane klubu tərk edəcək.

Futbolmedia.az xəbər verir ki, bu barədə insayder Florian Plettenberq məlumat yayıb.

29 yaşlı vinger Münhen klubu ilə müqavilənin uzadılması ilə bağlı razılığa gələ bilməyib. Klub futbolçuya sabit maaşı 12-13 milyon avro olan müqavilə təklif edib. Lakin Sane buna rədd cavabı verib. O, kluba getmək qərarını gəldiyini bildirib.

Xəbərdə o da qeyd olunub ki, Sane "Qalatasaray"a keçməyə yaxındır. Onunla ən ciddi maraqlanan məhz Türkiyə klubudur.

Xatırladaq ki, Sane ötən mövsüm Bundesliqada 30 oyuna çıxıb, 11 qol vurub və 5 məhsuldar ötürmə verib.