“Yuventus” mövsümün əvvəlində “Milan”dan icarəyə götürdüyü Pyer Kalulunu birdəfəlik transfer edib.

Futbolmedia.az xəbər verir ki, bu barədə Turin klubunun mətbuat xidməti məlumat yayıb.

A seriyası təmsilçisi futbolçu ilə 4 illik müqavilə imzalayıb.

“Qoca sinyora” 25 yaşlı müdafiəçi üçün qarşı tərəfə 14,3 milyon avro ödəniş edib.

Qeyd edək ki, fransalı oyunçu bu mövsüm “Yuventus”un heyətində 39 rəsmi matça çıxıb və 1 qol vurub.