“Real”ın sabiq futbolçusu Raul Qonsales klubdakı fəaliyyətinə son qoyub.

Futbolmedia.az xəbər verir ki, bu barədə “kral klubu”nun mətbuat xidməti məlumat yayıb.

Bildirilir ki, Raul gənclər komandası ilə işini başa vurmaq qərarına gəlib. Onun yeni iş yeri hələ açıqlanmayıb.

Raul futbolçu kimi 1994–2010-cu illərdə “Real”ın formasını geyinib. İspaniya millisində isə 102 oyuna çıxaraq, 44 qol vurub.