“Barselona” baş məşqçisi Hans-Diter Fliklə müqavilə müddətini uzadıb.

Futbolmedia.az xəbər verir ki, bu barədə klubun mətbuat xidməti məlumat yayıb.

Katalonların almaniyalı mütəxəssislə imzaladığı yeni sözləşmə 2027-ci ilin iyun ayına qədərdir. Bundan əvvəlki müqavilə isə növbəti növbəti mövsümün sonuna qədər idi.

Flik “Barselona”ya cari mövsümün əvvəlində təyin olunub. O, bu müddət ərzində La Liqa, İspaniya kuboku və İspaniya superkubokunun qalibi olub.