Bu gün Bakıda minifutbol üzrə dünya çempionatına start verilib.

Futbolmedia.az xəbər verir ki, ilk oyun günündə 8 matç keçirilib.

Əvvəlcə turnirin rəsmi açılış mərasimi olub. Tədbirdə Azərbaycanın Xalq artisti Aygün Kazımova və türkiyəli məşhur müğənni Aleyna Tilki musiqi proqramı ilə çıxış ediblər.

A qrupunda yer alan Azərbaycan millisi bu gün Bəhreynlə qarşılaşıb. Oyun 1:1 hesablı heç-heçə ilə başa çatıb. Yığmamızın heyətində yeganə qolun müəllifi Mirmehdi Rzayev olub.

A qrupunun digər görüşündə Mavritaniya Sloveniya ilə heç-heçə edib - 1:1

21 may

Dünya çempionatı

Qrup mərhələsi

1-ci tur

A qrupu

20:30. Azərbaycan - Bəhreyn - 1:1

23:00. Mavritaniya - Sloveniya - 1:1

B qrupu

09:15. Fransa - Çad - 1:0

21:45. Rumıniya - Özbəkistan - 2:1

C qrupu

10:30. Macarıstan - Türkiyə - 1:1

13:00. Ukrayna - İngiltərə - 0:4

D qrupu

11:45. Bolqarıstan - Portuqaliya - 1:3

14:15. Slovakiya - Hindistan - 15:0

Qeyd edək ki, Milli Gimnastika Arenasında təşkil olunacaq dünya çempionatı iyunun 1-də başa çatacaq.