“Çempionluğu qazanmaq çox xoşdur. Daha vacib olan odur ki, yaxşı komandamız, yaxşı kollektivimiz var”.

Futbolmedia.az xəbər verir ki, bu sözləri “Qarabağ”ın yarımmüdafiəçisi Leandro Andrade komandasının 12-ci çempionluğunu şərh edərkən deyib.

O, jurnalistlərə açıqlamasında kuboku da qazanmaq istədiklərini bildirib: “Arzulayıram ki, bu mövsümün ikinci titulunu da qazanaq. Bu, yeni mövsüm öncəsi motivasiyamızı artırar”.

Hazırda hesabında 15 qol olan 25 yaşlı futbolçu 2024/25 mövsümünün bombardiri olmağa çox yaxındır: “Təbii ki, buna görə çox sevinirəm. Düzdür, ötən mövsümlə müqayisədə məhsuldarlığım artıb. Lakin hesab edirəm ki, daha çox qol vura bilərdim. Çalışacağam ki, növbəti mövsüm daha çox fərqlənim”.

L.Andrade yeni mövsümdə “Qarabağ”da qalıb-qalmayacağı ilə bağlı sualı belə cavablandırıb: “Niyə də yox? Burada özümü çox yaxşı hiss edirəm”