“Real” Trent Aleksander-Arnoldun transferi ilə bağlı “Liverpul”a 500 min avro təzminat təklif edib.

Futbolmedia.az xəbər verir ki, bu barədə “Marca” nəşri adını açıqlamadığı mənbəyə istinadən məlumat yayıb.

26 yaşlı müdafiəçi bu gün yay transfer dönəmindən sonra azad agent kimi İngiltərə klubunu tərk edəcəyini rəsmən elan edib. Onun “qırmızılar”la hazırkı müqaviləsinin müddəti bu ilin 30 iyununa qədərdir. Ancaq bu mövsüm keçiriləcək Klublararası dünya çempionatına görə 1–10 iyun tarixlərində əlavə transfer pəncərəsi açılacaq.

“Real” bu fürsətdən istifadə edərək, Aleksander-Arnoldun transferini vaxtından əvvəl başa çatdırmaq istəyir. Ancaq “Liverpul”un bu təklifi rədd edəcəyi gözlənilir. Bu məbləğ klub tərəfindən çox aşağı hesab olunur.

Madrid klubu ingiltərəli müdafiəçinin keçidinə hələ 2024-cü ilin noyabrında əmin idi, amma qış transfer dönəmində “Liverpul” onu satmaqdan imtina etmişdi.