"Nəticənin ədalətli olduğunu düşünmürəm. Matç ərzində üstün tərəf biz idik. Yaxşı fürsətlərdən yararlana bilmədik. Üç xal qazanmaq istədik, amma buna nail ola bilmədik. Daha çox çalışmalıyıq".

Futbolmedia.az xəbər verir ki, bu sözləri Kipr "Omoniya"sının futbolçusu Panayotis Zaxaryu ölkə çempionatının 4-cü turunda "Pafos"la 1:1 hesablı heç-heçə etdikləri oyundan sonra deyib.

25 yaşlı hücumçu Konfrans Liqasının qrup mərhələsinin 2-ci turunda qarşılaşacaqları "Qarabağ"la matç haqda da danışıb: "Cümə axşamı bizi avrokubok oyunu, daha sonra isə "Olimpiakos"la çempionat görüşü gözləyir. Hər iki qarşılaşmaya qələbə üçün çıxacağıq. Əsəs hədəfimiz ölkə çempionluğudur. Amma Avropada da ən yaxşısı üçün çalışacağıq. Qrupdan çıxmaq üçün əlimizdən gələni edəcəyik".