Bu gün Azərbaycan millisi futzal üzrə Avro-2026-nın əsas mərhələsində son oyununa çıxacaq.

Futbolmedia.az xəbər verir ki, qitə birinciliyinin final mərhələsində iştirakını təmin etmiş Xorvatiya ilə qarşılaşacaq. Bakı İdman Sarayında keçiriləcək oyun saat 20:00-da başlayacaq.

Görüşü Kiprdən olan hakimlər briqadası idarə edəcək.

Qeyd edək ki, 5-ci qrupda Xorvatiya 15 xalla liderdir. Yunanıstan 7 xalla 2-ci, İsveç 4 xalla 3-cü, Azərbaycan 2 xalla 4-cüdür.

Yığmamız bunadək İsveçlə görüşlərdə 1 dəfə uduzub (3:4), 1 dəfə heç-heçə edib (3:3), Yunanıstanla matçlarda da 1 dəfə məğlub olub (2:3), 1 dəfə heç-heçə edib (2:2).

20:00. Azərbaycan – Xorvatiya