"Jirona"nın futbolçusu Artur Melo Barselonada qarət olunub.

Futbolmedia.az xəbər verir ki, "AS" nəşrinin məlumatına görə, hazırda "Yuventus"dan icarə əsasında "Jirona"da çıxış edən, keçmiş "Barselona" yarımmüdafiəçisi dayanacaq bileti alarkən arxadan ona yaxınlaşan bir şəxs qolundakı saatı alaraq qaçıb.

Cinayətkar motosikletlə onu gözləyən şərikinə tərəf qaçıb və birlikdə hadisə yerindən uzaqlaşıblar. Futbolçu dərhal hüquq-mühafizə orqanlarına müraciət edib.

Qeyd olunur ki, hadisə cümə axşamı yerli vaxtla saat 16:00 radələrində baş verib.