Pep Qvardiola “Mançester Siti”nin azarkeşlərinin klubun bilet siyasəti ilə bağlı narazılığını dəstəkləyib.

Etiraz aksiyası bu günə, Premyer Liqada “Lester”lə ev oyununa planlaşdırılıb.

Futbolmedia.az xarici KİV-ə istinadən xəbər verir ki, ispaniyalı mütəxəssis futbol klublarının azarkeşlərə məxsus olduğunu bildirib:

“Futbol klubları azarkeşlərə məxsusdur və onlar nə iləsə razılaşmırlarsa, klubun hərəkətləri ilə bağlı narahatlıqlarını ifadə etmək hüququna malikdirlər. Klub açıqdır, onları dinləyir, tərəflər razılığa gəlir və hər kəs xoşbəxt olur.

Təsəvvür edin ki, siz stadiona gəlirsiz və orada azarkeş yoxdur. Bu, cəfəngiyatdır. Əsərimiz öz mənasını itirəcək – hətta onu bağlasaq da.

Təbii ki, mən azarkeşlərə rəğbət bəsləyirəm. Onların istədiklərini açıq şəkildə ifadə etmək hüququ var”.