"Qalatasaray"ın baş məşqçisi Okan Buruk Türkiyə Superliqasının 29-cu turunda "Beşiktaş"a uduzduqları oyun (2:1) haqqında danışıb.

Futbolmedia.az xəbər verir ki, o, İstanbul derbisinin baş hakimi Yasin Koldan narazı qaldığını bildirib:

"Oyuna yaxşı başlamamışdıq. Çox sadə bir vəziyyətdə qol buraxdıq. Həm hesabda geri düşdük, həm də 10 nəfərlə qaldıq. Oyuna tam daxil ola bilmədik. Mübahisəli bir epizod idi. Bu gün belə bir şey olacağını gözləyirdik. Qorxduğumuz başımıza gəldi.

"Qalatasaray"ın milli komandalara gedən çox futbolçusu var. "Beşiktaş" isə bu baxımdan şanslı idi.

"Beşiktaş" çox əmək sərf etdi. Onları təbrik edirəm. Məğlubiyyəti komandanın daxilində müzakirə edəcəyik. Devinson Sançezin penalti epizodu oldu. Çox dəqiq şəkildə təmas var idi. VAR bu məsələlərə qarışa bilir, ya yox? Futbol tarixinin ən çox sual işarələri olan mövsümünü keçiririk. Amma azarkeşlərimiz heç narahat olmasınlar. Onlara çempionluğu yaşadacağıq. Hər kəs bilir ki, səhvlərimizi görüb dərs çıxaranda nələr bacarırıq. Çempion olacağımıza inanırıq".

Qeyd edək ki, hazırda "Qalatasaray" 28 oyundan 71 xalla Superliqanın lideridir. "Beşiktaş" isə 47 xalla (27 oyun) 4-cü yerdədir. 2-ci yer