“Bayer”in baş məşqçisi Xabi Alonso bu gün mühüm mətbuat konfransı keçirəcək.

Futbolmedia.az AS nəşrinə istinadən xəbər verir ki, ispaniyalı mütəxəssis gələcəyi ilə bağlı dəqiq açıqlama verməlidir.

Daha əvvəl mətbuatda “Real”ın ispaniyalı mütəxəssisi Karlo Ançelottinin varisi kimi nəzərdən keçirdiyi bildirilib.

Alonsonun Leverkuzen klubu ilə hazırkı müqaviləsi 2026-cı ilə qədərdir. Onun rəhbərliyi altında komanda 2023/24 mövsümündə Almaniya çempionu olub.

“Bayer” Bundesliqanın cari mövsümünün 26 turundan sonra 56 xalla turnir cədvəlinin ikinci pilləsində qərarlaşıb.