“Çelsi”nin sabiq və “Koventri Siti”nin hazırkı baş məşqçisi Frenk Lempard “Mançester Siti”nin çalışdırıcısı Pep Qvardiola ilə görüşü haqda danışıb.

Futbolmedia.az “The Athletic”-ə istinadən xəbər verir ki, ingiltərəli mütəxəssis bu görüşlərdən bir neçəsini keçirdiyini söyləyib:

“Mən bu görüşlərdən bir neçəsini keçirmişəm. Bu görüşlər sadəcə fikir mübadiləsi aparmaq və söhbət etmək üçün əla fürsətdir. “Brentford”da Tomas Frankı görməyə getdim. O, çox açıqsözlü və maraqlı idi.

Bu işə başlamazdan təxminən bir ay əvvəl Rodri ilə görüşmək üçün “Mançester Siti”yə getdim və Pep Qvardiola ilə 45 dəqiqə vaxt keçirmək imkanım oldu. Bu, heyrətamiz idi. Məşqçiliyə başlamazdan əvvəl “Mançester Siti”də bir neçə gün keçirdim və onun məşq meydançasında oyunçularla ünsiyyət tərzinə heyran qaldım. Mən məhz onun kimi olmaq istəyirəm”.