La Liqanın 35-ci turunun “Barselona” - “Real” matçı İspaniyada deyil, başqa bir ölkədə keçirilə bilər.

Futbolmedia.az xəbər verir ki, bu barədə “Daily Mail” məlumat yayıb.

Mənbənin sözlərinə görə, Kataloniya klubu hesab edir ki, hazırda təmirdə olan “Kamp Nou” stadionunda işlər matçın nəzərdə tutulduğu may ayına qədər başa çatmayacaq. Bu səbəbdən rəhbərlik alternativ yer axtarmağa məcburdur.

Mümkün variantlardan biri tutumuna görə (90 min tamaşaçıdan çox) Avropada “Kamp Nou”dan sonra ikinci yerdə olan İngiltərənin “Uembli” stadionudur. Rəhbərlik həmçinin hesab edir ki, “Uembli” “Barselona” azarkeşlərinin qəlbində xüsusi yer tutur. Çünki kataloniyalılar bu stadionda 1992-ci ildə Avropa Çempionlar kubokunun, 2011-ci ildə isə Çempionlar Liqası finalının qalibi olublar.

Qeyd edək ki, La Liqa rəhbərliyi və İspaniya Futbol Federasiyası kataloniyalıların bu qərarını dəstəkləyir.

Xatırladaq ki, "Barselona" - "Real Madrid" matçı mayın 11-nə təyin edilib.