"Sumqayıt" qış transfer pəncərəsi üçün ilk keçidini açıqlayıb.

Futbolmedia.az xəbər verir ki, bu barədə klubun mətbuat xidməti məlumat yayıb.

"Kimyaçılar" qvineyalı hücumçu Momo Yansane ilə 1 il uzatmaq şərti ilə mövsümün sonuna qədər sözləşmə imzalayıb. 27 yaşlı futbolçu Gürcüstanın "Torpedo" (Kutaisi) klubundan transfer olunub. O, Sumqayıt komandasında 11 nömrəli formanı geyinəcək.

Qeyd edək ki, Momo Yansane karyerası boyunca "Torpedo" ilə yanaşı "Nijni Novqorod" (Rusiya), "Şerif" (Moldova), "Riyeka" (Xorvatiya) kimi klublarda çıxış edib. O, Qvineyanın U-20 və əsas yığmalarına da dəvət alıb. Yansane karyerası ərzində 170 oyuna çıxaraq 53 qol vurub və 21 qolun ötürməsini edib.