"Neftçi"nin braziliyalı Yuri Matias həmyerlisi, "Qarabağ"ın hücumçusu Juninyonun "Flamenqo" (Rio-De-Janeyro) klubunun maraq dairəsində olmasına münasibət bildirib.

Futbolmedia.az xəbər verir ki, 29 yaşlı müdafiəçi ölkəsinin "Lance" nəşrinə müsahibəsində bildirib:

"Biz hamımız sevinirik ki, xaricdə Azərbaycan futbolunda olanları görürlər. Bu, hər birimiz üçün yaxşıdıdır. Şəxsən mən çox şadam. Ümid edirəm ki, Juninyonun işi alınacaq. Baxmayaraq ki, biz rəqib oyunçularıq, amma bura gələndən bəri Juninyo mənim üçün böyük qardaş olub. İnanıram ki, o, doğru qərar verəcək və öz qiymətini göstərəcək".

Xatırladaq ki, "Qarabağ"ın futbolçusu Juninyonun qış transfer pəncərəsi zamanı İspaniyanın "Sevilya" və ya Braziliyanın "Flamenqo" klubuna keçə biıcəyinə dair xəbərlər yayılıb. Bununla bağlı klublar arasında danışıqlar da olub.