"Bornmut"un futbolçusu Din Hyöysen karyerasını İspaniya La Liqasında davam etdirə bilər.

Futbolmedia.az xəbər verir ki, "Real" ispan müdafiəçini transfer etmək istəyir. Bu barədə AS nəşri məlumat yayıb.

Madrid təmsilçisi 21 yaşlı mərkəz müdafiəçisi üçün yanvar ayında İngiltərə klubuna rəsmi təklif göndərəcək.

Qeyd edək ki, "Bornmut" Din Hyöyseni mövsümün əvvəlində "Yuventus"dan transfer edib. İspaniya U-21 millisinin üzvü Premyer Liqa təmsilçisinin heyətində meydana çıxdığı 13 rəsmi matçda 2 qol vurub. Onun klubla müqaviləsi 2030-cu ilin yayına kimidir.