“Atalanta”nın baş məşqçisi Can Pyero Qasperini komandasının bu mövsüm üçün əsas hədəfini açıqlayıb.

Futbolmedia.az “Football Italia”-ya istinadən xəbər verir ki, italiyalı çalışdırıcı məqsədlərinin İtaliya kubokunu qazanmaq olduğunu bildirib:

“Mövsümün məqsədi İtaliya kubokunu qazanmaqdır. Bu turnirin düsturu bizə kubok uğrunda həlledici matça tez çatmağa imkan verir”.

“Atalanta”nın İtaliya çempionatının 16 turundan sonra 37 xalı var. Qasperininin komandası A Seriyasının turnir cədvəlinə başçılıq edir və ikinci yerdə qərarlaşan “Napoli”ni 2 xal qabaqlayır.

“Atalanta” ölkə çempionatının növbəti oyununda “Empoli”ni qəbul edəcək.