“Barselona”nın müdafiəçisi Ronald Arauxo tezliklə komandaya qayıdacaq.

Futbolmedia.az “Mundo Deportivo”-ya istinadən xəbər verir ki, uruqvaylı futbolçu iyulda Amerika kuboku matçında aldığı zədə səbəbindən bu mövsüm hələ də meydanda görünməyib. Belə ki, o, bu ay Hans-Diter Flikin rəhbərliyi altında ilk oyun üçün “Barselona”nın heyətinə daxil edilə bilər.

25 yaşlı müdafiəçi noyabrın 30-da “Las Palmas”la La Liqa matçında ehtiyat oyunçular skamyasında olacaq.

Arauxo 2019-cu ildə debütündən bəri kataloniyalıların heyətində bütün yarışlarda ümumilikdə 150 oyun keçirib.