“Əl-Hilal”ın hücumçusu Neymar “Real”ın vingeri Vinisius Juniorun niyə “qızıl top”u tezliklə alması lazım olduğunu izah edib.

Futbolmedia.az xarici KİV-ə istinadən xəbər verir ki, o, bunu deyib:

“Vinisius “qızıl top”a layiqdir, çünki o, döyüşçüdür, həyatı boyu çox əziyyət çəkib. Bütün gözləntiləri aşdı və nifrət edənlərin bütün tənqidlərinə qalib gəldi. Bu gün Vinisius bizim üçün böyük kumirə və qəhrəmana çevrilib”.

“Qızıl top”un təqdimetmə mərasimi bu ayın sonunda baş tutacaq.

Vinisius 2023/24 mövsümündə “Real”ın İspaniya çempionatında və Çempionlar Liqasında qələbə qazanmasında mühüm rol oynayıb.