“Nürnberq”in baş məşqçisi Miroslav Kloze komandanın azərbaycanlı hücumçusu Mahir Emreli ilə bağlı danışıb.

Futbolmedia.az "Bild"ə istinadən xəbər verir ki, o, 28 yaşlı futbolçunun 2-ci Bundesliqanın 6-cı turunda “Herta” ilə qarşıdan gələn oyunda mümkün debütü haqda deyib:

“Mahirin bu matçda start heyətində yer alıb-almayacağını hələ bilmirəm. Bu, onun üçün hələ tez ola bilər. Amma əminəm ki, Emreli ən azı yarım saat oynaya biləcək”.

Qeyd edək ki, "Nürnberq" - "Herta" qarşılaşması sentyabrın 21-də keçiriləcək. Mahir ötən tur “Ulm 1846”la oyunda iştirak ərizəsində yer alsa da, meydana çıxmayıb.