“Roma”nın futbolçusu Kris Smollinq Səudiyyə Ərəbistanın “Əl-Feyxa” klubuna keçib.

Futbolmedia.az xəbər verir ki, bu barədə İtaliya klubunun rəsmi saytı məlumat yayıb. 34 yaşlı ingiltərəli müdafiəçi ilə 2 illik müqavilə imzalanıb.

Qeyd edək ki, Kris Smollinq 2019-ci ildən “Roma”da çıxış edirdi. O, əvvəlcə “Mançester Yunayted”ə məxsus idi və icarə əsasında İtaliya klubunda çıxış edirdi. 2020-ci ildə isə “canavarlar” müdafiəçi üçün 15 milyon avro ödəyərək müdafiəçini birdəfəlik transfer ediblər. O, Roma klubunda 155 matça çıxaraq 10 qol vurub və 4 qolun ötürməsini edib.