“Napoli”nin hücumçusu Viktor Osihmen karyerasını “Qalatasaray”da davam etdirməyə yaxındır.

Futbolmedia.az xəbər verir ki, bu barədə jurnalist Fabris Houkins bildirib.

Onun sözlərinə görə, hazırda nigeriyalı forvardın keçidi ilə bağlı iki klub arasında danışıqlar gedir. Osihmen artıq icarə əsasında “Qalatasaray”a keçməyə razılıq verib.

25 yaşlı forvard yay transfer pəncərəsi zamanı klubu dəyişməyə cəhd etsə də, istəyinə çata bilmədi. Yekunda “Napoli” Osihmenin adını iştirak ərizəsinə daxil etməyib.

Qeyd edək ki, Viktor Osihmen 2020-ci ildən çıxış etdiyi “Napoli”də 133 matçda 76 qol vurub.