"Neftçi"nin baş məşqçisi Roman Qriqorçuk Misli Premyer Liqasının 4-cü turunda "Araz-Naxçıvan"la heç-heçə etdikləri matç (1:1) haqqında danışıb.

Futbolmedia.az xəbər verir ki, mütəxəssis görüşdən sonra təşkil olunan mətbuat konfransında əvvəlcə komandasının 90+4-cü dəqiqədə vurduğu bərabərlik qolunu şərh edib: "Burada heç bir problem yoxdur. Hansısa feyr-pleydən danışmağa səbəb görmürəm. Hər şeyi görürdüm. Bunu şərh etmək rahatdır. Bizim oyunçumuz ayağa qalxırdı. Heç bir səbəb yox idi ki, rəqibin qapıçısı topu çölə vursun".

Bugünkü matçda Rəhman Hacıyev və Emin Mahmudov meydana çıxsalar da, onlara kapitanlıq sarğısı verilməyib. R.Qriqorçuk bu qərarı haqda sualı belə cavalabndırıb: "Sizin işinizə hörmət edirəm. Amma bəzi çərçivələr varsa, bizim daxili işimizdir. O məsələlərə qarışmayın. Bu, bizim daxili işimizdir".

R.Qriqorçuk sol cinahda Kilan Lebona yox, Andrey Ştoqrinə şans verməsini də şərh edib: "Məncə, vinger həm sol cinahda, həm də sağ cinahda eyni qaydada oynamağı bacarmalıdır. Futbolçulara hər oyundan qabaq deyirik, onlara hədəf qoyuruq və qərarlar veririk. Ştoqrin üçün sol və ya sağ cinahda oynamağın fərqi yoxdur. Taktiki cəhətdən nəzərə alsaq, rəqibin hücumlarını neytrallaşdırmaq istəyirik".

Mütəxəssis "Qəbələ"də də çempionluq uğrunda mübarizə aparırdınız. Orada daha çox təzyiq hiss edirdiz, yoxsa "Neftçi"də" sualını cavablandırıb: "Hazırda təzyiqə az fikir yönləndirirəm. Elə yoldayıq ki, komanda yenilənir. Transfer işlərini davam etdiririk. Başa düşürük ki, bir az gecikmələr oldu. Bəzi oyunçuların hazırkı durumu istədiyimiz formada deyil. Təzyiqi o zaman hiss edərdim ki, komandam istədiyim formadadır, amma nəticələr qazanmırıq. Düşünürəm ki, milli komandaların fasiləsini gözləməliyik. Bu müddət də hələ azdır ki, istədiyimiz oyun üslubunu quraq. Mən sadəcə öz işimə fundamental yanaşıram. Çox istəyərdim ki, artıq nəticələr olsun. Amma mən elə komanda, oyun qurmaq istəyirəm ki, sistematik olaraq bizə nəticələr versin. Başqa cür yanaşa bilərik. Deyə bilərik ki, nəyin bahasına olursa-olsun qalib gələk. Qanın bahasına belə. Çox istəyərdim ki, öz stilimizdə oynayaraq, qalib gələk. Əminəm ki, qısa zamanda daha yaxşı olacağıq. İstəmirik ki, qələbələrimiz təsadüfi olsun".

O, 4 oyundur qələbə qazanmamaqları barədə bu sözləri deyib: "Tutduğu